حصري عود

شيرين رضا: الصراحة أقصر طريق… والسينما علّمتني كيف أكون نفسي

Oct 12, 2025

No items found.

في عالم تتبدل فيه الصور والأدوار بسرعة الضوء، تبقى شيرين رضا واحدة من أكثر الفنانات العربيات صدقًا وجرأة. امرأة لا تخشى كسر القوالب ولا تكتفي بتكرار ما هو مألوف، بل تبحث دائمًا عن ما لا يُشبهها لتعيد اكتشاف ذاتها في كل عمل جديد. بين السينما التي شكلت ملامحها كممثلة، والأدوار التي أعادت تعريف صورة المرأة على الشاشة، تتحدث شيرين معنا بعفويتها المعتادة عن الفن، والموضة، والصراحة، وأحلام المسرح التي لا تزال تنتظرها في الأفق.

تنقلت بين السينما والمسرح والتلفزيون، وكل واحد منهم له جمهور وإيقاع مختلف. برأيك أي محطة شكلت شخصيتك كممثلة أكثر شيء؟

أنا مثلت سينما وتلفزيون، بس للأسف لسا ما عملتش مسرح، بس أعتقد أن السينما هي اللي شكلت شخصيتي كممثلة أكتر حاجة. أكيد دايماً أحب أخد الأدوار اللي ما تشبهليش لإن بيبقى فيها مساحة إن أنا أقدر أروح بالشخصية في حتة ما تشبهليش أنا.

كثير من أدوارك كسرت الصور النمطية عن المرأة في السينما العربية. هل هذا الاختيار كان مقصود دائماً؟ وما الحدود اللي نفسك تكسرينها؟

الحدود اللي أنا لسا ما كسرتهاش إن أنا أعمل شخصية شرشوحة، اللي هو أي حاجة ما تشبهليش يعني ده اللي نفسي دايماً أعمله.

دايماً كنت بقول نفسي أعمل دور راجل، طبعاً أنا عارفة إن ده مستحيل بس الواحد مش لازم يبطل يحلم.

إذا رجعنا بالذاكرة في عمل معين تحسين إنو نقطة تحول حقيقية في مسيرتك؟

عمل معين كان نقطة تحول في مسيرتي كان فيلم فوتوكوبي، يعني فوتوكوبي أنا كنت واحدة تانية خالص، صغيرة، فهو ده خلا الناس تشوف إن أنا ممكن أنفع أبقى ممثلة أعتقد.

الموضة مرتبطة في صورتك أمام الجمهور، لكنها أيضاً وسيلة تعبير شخصية. كيف تشوفين دور الموضة في تشكيل هوية المرأة العربية، خصوصاً في مجال الفن؟

أنا بالنسبة لي الموضة اللي بيليق عليا، مش ببص بقى الترند الجديد إيه ولازم ألبسه، لأ السنة دي البنطلون ضيق من تحت، لأ دلوقتي واسع، ما ليش دعوة بالكلام ده.

أنا بلبس الحاجات اللي بتبقى شكلها حلوة علي ولايق على شخصيتي، أنا مبحبش البهرجة، I'm very simple.

المرأة العربية أعتقد إنها من أشيك الستات اللي في العالم، لأنه الستات عندنا في الوطن العربي بيحبوا الموضة وهم كلهم حلوين وعلى طول بيلبسوا، فلأ مخلياني فخورة إن أنامن الجزء دا من العالم، إن أنا أبقى امرأة عربية.

اليوم نلاحظ تداخل كبير بين عالم الترفيه وعالم الموضة. كيف تقدرين توازنين بين كونك ممثلة، شخصية ثقافية، وأيقونة ستايل بنفس الوقت؟

أنا إيقونة ستايل! يعني أنا بلبس، بضطر أروح إيفنتس مهرجانات، بضطر ألبس فيها، وبصراحة بلبس اللي شايفاه مناسب لي، مش فكرة إن أنا عاوزة أعمل بوم باللي أنا بلبسه، لا، يعني بحاول ألبس حاجة حلوة ولذيذة وتعجب الناس.

معروف عنك إنك صريحة وجريئة في كلامك. تحسين الجمهور العربي صار أكثر تقبل للصدق والصراحة، خصوصاً من النساء؟

أنا صريحة وجريئة، الناس كلها عاوزة الصراحة، الناس عاوزة الصدق، محدش عاوز يتضحك عليه، الجمهور مش عاوز يتضحك عليه، الجمهور شاطر جداً يعني لما أي حد هيطلع في مقابلة تلفزيونية والجمهور يحس إن الفنان دا بيكذب، الجمهور هيعرف، الجمهور واعي، أنا شايفة إن الصراحة أقصر طريق.

ما هي أكثر فكرة أو انطباع خاطئ عن شيرين رضا ودك الناس يتركونه؟

الناس فاكرة إن أنا قليلة الأدب، أو فاكرة إن أنا جريئة زيادة عن اللزوم، لا بالعكس، أنا طبيعية، بس الناس نسيت الصراحة.

لجيل الشباب من المبدعين العرب، ممثلين، مصممين أو مخرجين، إيش النصيحة الأهم اللي ممكن تضمن لهم استمرارية في مسيرتهم؟

الطريق قدامكو طويل، وحيبقى صعب، بس don't give up، النجاح حلو، ولما تكون بتحب حاجة، بتحب عمل، وإنت بتشتغل العمل اللي إنت بتحبه، أكيد حتنجح، بس حيحصل معاكسات، فكملوا، ماتوقفوش.